اكبر خطاياي – مزعل فرحان

عن الخطا محدن معصوم لا هنت

واكبر خطاي أني غلطت وهويتك

خدعتني بالحب حتى تمكنت

من راسي قلب في حنانه حويتك

ابعد دخيلك وش بقا عقب ما خنت

كود الفراق ودمعتي ما طريتك

تدري احبك وقت فيني مثل ما أنت

لا ما يهمك أن هويته أو جفيتك

لولا الغرام وصادق الود ما كنت

لحظه تحملت الخضوع ورجيتك

حان الفراق ويكفي أني بها مت

ولا عاد بو حظ رماني وجيتك

دامك بتجريح البشر قد تفننت

بجفاك وارحل وان نسيتك نسيتك

وأعاهدك ماعدا أثق يوم في بنت

دام الخطا أني وثقت وهويتك