اقول استريح – راشد الماجد

(راشد الماجد) :
آقول أنا بس إستريح ماينفعك دور الجريح
عنتر زمانك مستوي مرّه تحب مرّه تشيح
لاهي وعودك بإلتزام ولا أنته بعد قد الكلام
ماعاد لك قدر ومقام بارد وأنا شوقي صريح

(حسين الجسمي) :
ياما على الزله سكت وإنته مكانك ماحتركت
راجعت نفسي ثم ضحكت وش لي بحبّك يامليح
مانته على حبي تروم وآنا من كبار القروم
ولاني على مثلك لزوم يامدوّر الدرب المريح

(راشد الماجد) :

لو كان ذا غير الزمان وما كان به غيرك حنان
مابيك دام الأصل بان الحر ماعمره يطيح
كم لي تمنّوا يوصلون والزين ما يأتي بهون
حنّا إذا نعشق نصون يا راعي القلب الشحيح

(حسين الجسمي) :
عشقي أنا عشق الشيوخ مافيه معنى للرضوخ
ماعاش حب بلا شموخ هذا هو الحب الصحيح
لا لا تفكّر أو تقول ماني على وصلك ميول
مادام عندك ألف قول خلّك مكانك واستريح

كلمات: ريم تواق

ألحان: فايز السعيد

التعليقات 1
Anonymous
15/02/2022 am 07:31

شكرا ما شاء الله