اقدح اقدح – الشيلات

الله الله ياهجوسي الا بان المسار
سرها لابوك لابو بحرها سرها
اقدح اقدح من زنادك كما قدح الشرار
واقدم اقدم دام راسي طنخ من حرها

اطنخ اطنخ دامها عند من سم الوسار
عند ربعي وافتخر يوم شعري سرها
يو آر ويلكم والعرب عندها ترحيب حار
ارحب ارحب عند ربعي سعد من مرها

ابدره وامجادنا سجلت في كل دار
والبحور اللي تلاطم خذينا درها
في اللوازم نطرد القوم ونفك البكار
العدا ناطى على خدها ونزرها

أبشر أبشر لاندبت القريشي ثم ثار
خيّل الشرفا سما ثم سما لا جرها
سرّها يا مسندي لا يمين ولا يسار
فوق جيبٍ طارة أيامي في شفرها

سرها وابوك شافي على الفي اكس ار
والخطوط الله يكافي البشر من بشرها

واسري ياحرباش يا محزمي نسل الحرار
صوب ربعٍ طرها للمواقف طرها

الجهوم اللي لها العز والنخوة شعار
لابةٍ فوق الثريا من علوُ مقرها
الولد منهو يجيب المراجل في نهار
والجهوم اهل الكرم ما سخى من برها

الجهوم أهل الحرايذ معسفة المها
كم شجاع طاح من شرها ما ضرها
والرجال اللي نسبها يزيد الافتخار
هي على خبر العرب والنعم في خبرها

كلم غيظاني وربعه طويلين العمار
لوم لابراهيم لا طاع يلوم فكرها
اسمع اسمع ابراهيم عبدالله الكفو الخيار
خير من يزهى المدايح ويزهى شعرها
والختام الله يديم الملوك أهل القرار
ال سعود ملوك داري وحنا ذخرها