like-empty

كلمات

klmat.com

sun

اسرار بوحي

آه ياشوقي لشوفك يا غناتي
ليت يوحي نبض گلبك وانت توحي
في غيابك افقد احساسي و ذاتي
ليت تسمع نوح گلبي ولا نوحي

انت اول وآخر انسان بحياتي
منهو غيرك يستحق گلبي و روحي
يا سعادة روحي و بسمة شفاتي
يا اول احلامي و يا اخر طموحي

انت روحي و انت اغلى امنياتي
انت طبي لو تحدتني جروحي
لك خفوقي لك حياتي لك مماتي
انت شمسي وانت غيمي وانت دوحي

يا غرامي يا عذوبة مفرداتي
فيك صمتي يستفز اسرار بوحي
في كتابي انت احلى ذكرياتي
من غموضي لين ماتوصل وضوحي

في عيونك هيبة تزلزل ثباتي
في حنانك رقةٍ تبني صروحي
في عتابك كل ماضي صار آتي
في ابتسامك طيبة الوجه الصبوحي

من صفاتك صرت استعذب صفاتي
واسمع آخر بيت من شعري و بوحي
ياحلاتك و الا اگلك يا حلاتي
لان روحك ساكنة في روح روحي
like-empty

كلمات ماجد المهندس

جاري التحميل...