اربع حروف – محمد عبده

مدَّيت يدَّي وودَّي أحتضن عـمرك .. ودَّي تكون بحياتي عمري الآتي
جيتك بكلَّي وكلَّي ضايع بـسـحرك .. أسرح وألاقي طيوفك تسكن بـذاتي

هذا أنـا لـو ينـاديني شـذا زهرك .. لبَّيت بأربع حروفٍ تسكن شـفاتـي
لبَّيه يا للي أعيش وأهتني بـأسرك .. لبَّيه يا للي بـغـيـابـك أطلق آهـاتـي

العمر غالي وعمري يالغلا مـهرك .. بهديك عمري وقلبي وضي لحظاتي
القلب قلبي ونبضه ساكن بـصـدرك .. وإنته لعلمك غديت بكل نـبـضـاتـي

تغيب وأعذر غيابك وألتمس عذرك .. من زود شوقي تعذرك كل ساعاتي
وإن جيت أعاتب ألاقي بسمة بثغرك .. أعاتبك بس تغلبني إبـتـسـامـاتـي

سريت ليلي وعيني حـلـمـهـا بـدرك .. من بعدها النور غطى بك مسافاتي
محال أي شي يوصل يالـغـلا قـدرك .. قدرك سما تحتويها دوم نظراتـي