ابكي اغاني – حسين الجسمي

يطول بعادهم وابكي أغاني وانكتب أبيات
بها من كل قصة حب جرح يضيع في جروحي
أنا صبري يعلم كل جرح يضمد الآهات
وانا من هام حزن الكون في الخافي من وضوحي

جفاهم لي غدى عاده ولا قد غيروا عادات
ولو حلم الوصل يصدق فكيف تصدقه روحي
كفاني ما مضى من وقت أموت فيه كل ما فات
وكفاني ما جرى من دمع ما يتحمله بوحي

أنا فرقي عن العشاق نوحي صاخب بسكات
شقيت بعزة تفرض يكون بداخلي نوحي
عذولي حجته أقوى ولا تحتاج أي اثبات

أنا ياما هناهم كان عندي غاية الغايات
وكان ادنى رضى منهم هو اعلى سقف لطموحي
خذوا صفوي لتكديري خذوا فرحي بقى الضيقات
خذوا سهوي لتفكيري خذوا جدي بقى مزوحي

بنيت صروح بأوهامي وأوهامي تصيب اوقات
ولكن ضاعت اوهامي سدى وانهدت صروحي
ودام بعادهم وابكى الأغاني وسالت الأبيات
وخذت من كل قصة حب جرح يضيع في جروحي