أذوب بعينك – راشد الماجد

أذوب بعينك الحلوه وسُكّرها
وحتى الدنيا أنساها ولا اذكرها
أنا اللي سُكّر عيونك يذوّبني
دخيلك لا تذوّبني وسَكِّرها

أنا ادري ذوّبتهم نظرة عيونك
وصاروا من حلاوتها يحبّونك
وأدري اني لوحدي ساكن بكونك
ولعيوني جميع الناس تنكرها

تغار وتسعد احساسي بهالغيره
واحس انّي لقلبك موطن وديره
ولا غيرك شغل قلبي وتفكيره
يا لذة دنيتي الحلوه وسُكّرها

تدلّعني وفيك الروح ملتاعه

وانا روحي لدلالك دوم طمّاعه
معك ودّي أوقّف عقرب الساعه
وحتى عيوني ما ودّي أسّكّرها

إذا تهمس أحس بلهفة انفاسك
واحس اني أنام بدفوة احساسك
واحس بكل فكرة حب في راسك
قبل ما تقولها لي أو تفكّرها

وجودك في حياتي يا مهنّيها
يعوّضني عن الدنيا وما فيها
وروحك لى عجزت بروحي اوفيها
على كثر المحبّه ودّي اشكرها