ياقطر ياللي ماشي – شعبان عبدالرحيم

يا قطر ياللى ماشى دوسنا..واحنا الى جبناك بفلوسنا

لحد امته علينا هدوس..و تمشى تقتل فى نقوسنا

وحيات ابوك يا وبور قولى..مين بس هو سبب زولى

نهار وليل انا ادعى عليه..وحيات فراق ابنى

روح لى الكبير يابا و اقوله..انا ذنبى ايه بقا فى ده كله

لحد امته الناس هتموت..و هما قاعدين بيطلو

خلاص معدش كلام بيفيد..هنحكى ليه و نقول و نعيد

دلوقتى يابا بقا الى بيموت..بيساوى الف جنيه تعويض

ابنى الى كان اجمل حاجة..وحياتى من غيره ولا حاجة

شوفتك فى دمك يا حبيبى.معرفتش اعملك حاجة

القطر عدى عليك داسك..لا لحقت اهلك ولا ناسك

روحت لقيتك ميت حته..والدم نازل من راسك

ماليش نصيب يابا اكمل..فكر فى ربك و اتأمل

وقول يا رب انا عوضى عليك..وصلى و اصبر و اتحمل

سلم على امى و قول ليه..فى الجنه انا مستنيها

مالهاش نصيب تفرح بيا..يارب و النبى قويها

البدرشين قليوب اسيوط..وكل يوم فى ناس هتموت

ادام مفيش عندنا مسئول..فاهم و بيفكر مظبوط

على الكرسى كله بيتمطع..والناس يا عينى بتتقطع

فى بحر او تحت القطارات..ومستولينا بتتمتع

صدقنى يابا انا مش زعلان..لو حتى اموت ميت مره كمان

يمكن بموتى الخلق تفوق..ومصر بعدى تعيش فى امان

0

2013