منك الجفا – وليد الشامي

منك الجفاء والصد ماهوب مني
واهل الوفا ماتنشرى بأي قيمه
ما اجبرك في دنيتك تحترمني
ومن لا حشمني لا يدور حشيمه

شالمشكلة لو كان حبك سكني
قلبي شجاع ولا يعرف الهزيمه
انا انا لو كان مثلك ظلمني
انا اهتمامي بالنوايا السليمه

كتبت فيك الحب ولا كتبني
اغلى الكتب فوق الرفوف القديمة
ممكن اقولك شيء ياما ألمني
كأنك ضما وانا على ارضاك غيمه

تدمي كفوف ايدي وانا فيك ابني

مثل الدول تبنى بصدق وعزيمه
مابك وفى عن الوفا تختبرني
شوف الزمن بلا كرامه وشيمه

في كل منهج دنيتي علمتني
صدمات دنيا الحب ياهي اليمه
انا اشكر الدنيا معك نبهتني
اجمل حلوم الليل ياهي مديمه

من روض قلبي كنت بيديك تجني
وانا اصايل مارتضي بالظليمه
ادوس قلبي وللبشر لا ما احني
مثل الشجر يموت واقف بضيمه