منت قاصد – نوال الكويتية

منت قاصد ليه طيب تعتذر
ليه تفتح للشكوك بعيني باب
منت قاصد الطبيعي تنتظر
انت حتى ما انتظرت أبدي عتاب

إلا قاصد وأقرا في عينك نعم
إلا قاصد وجاي تحكي لي بندم
ألف شكراً للضمير الحي فيك
ألف آسف إني مقدر أبتسم

منّك أسف كنها كسرة ظهر
لنّي أصلاً ماعملت إلها حساب
ماهقيتك يوم تملاني قهر
وش بسوي بآسفك بعد العذاب

تدري إنك كنتلي دايم مهم
وادري انه كان مني لك اهم
ودي ابعد ودي اتحسب عليك
البلا انه عمري من دونك عدم

كلمات: قوس

ألحان: ياسر بوعلي

إنتاج: قنوات

2020