مصلحه – عيضه المنهالي

يتني في وقت كله مصلحه
وانت الصالح وهم لا يصلحون
شف قلوب الناس في ايدك مسبحه
وهم باسم الله عليك يسبحون

وش بقى من الحسن فيك و نمدحه
هل بقى لك وصف من إللي يوصفون
كان قصر فيك واصف إسمحه
كل شي فيك ثاره للشجون

شعرك التمري جميل وتنشحه
يتموج كالسحب فوق المتون
كل من قبلك قدرت ان تمسحه
بالمحاسن والمفاتن يا فتون
وان حضرت بحفل قايم بفرحه
ما يرجح وزن ميزانك وزون

يا سهم رابح عساني أربحه
وينكتب حظي مع إللي رابحون

0

كلمات: سعيد بن مصلح الأحبابي

ألحان: فايز السعيد

2018