مستحيل انساك – نوال الكويتية

على كثر الهموم اللى تجيني من هنا وهناك
حبيبي كل هم يهون يوم ألقاك قدامي

من اول ما نظر عيني يعانق بارق محياك
بشوفك تحتفل حتى الجروح وتسكن آلامي

كأني في زمن غير الزمن لما أكون وياك
وكن العمر يبدا في لقاك وتشرق أيامي

أحبك؟ كل شي فيني يحبك يعشقك يهواك
ولا حد في الهوى مثلي متيم هايم هيامي

عيوني مهجتي روحي فؤادي منزلك وحماك
حياتي كلها لاجلك غرام وعشق متنامي

بروحي والعمر أشري هناك وبسمتك ورضاك
أموت ولا احتمل دمعه تجرح خدك السامي

أنا صحرا الجفاف اللي تمنت في ظماها ماك
حرام انك مطر عمري وانا في دنيتك ظامي

يجوز أنسى معك نفسي ولكن مستحيل أنساك
لحبك خافقي يمشي قبل ما تمشي أقدامي

ولكن لو حصل شي لروحي وافرقت دنياك
ومت ولا قدرت إني معاك آحقق أحلامي

دخيلك بس سامحني ولا تبكي علي عيناك
وكثر من دعا الرحمه وهذا منك إكرامي

0
التعليقات 4
blank
15/05/2013 pm 10:34

مرررره روعه

0
blank
01/05/2013 am 11:10

زووووووء

0
blank
01/05/2013 am 11:10

الله عليك

0
blank
جبلاويه نوراه
01/05/2013 am 11:07

حلوه جميلللللللللللللللللللللللل الله يسلم اديان الكتابه.

0