like-empty

كلمات

klmat.com

sun

متمردة

في حاجات مكنتش راضية عنها عملتها
مع إني عمري في يوم ما كنت بحبها
وده كله علشان أرضي حد محبنيش
وأما لقيت مفيش أمل في موضوعنا انتهى
أنا ليه بنزل من كرامتي لمستواه
إني ابقى بتنازل عشان نبقى سوا
وفي النهاية لقيته بعد الحب ده
سابلي فراق وجوة في قلبي جرح مالوش دوا
لا هقول ده نصيب ولا كان العيب فيا
ولا ناوية يكون في بينا فرصة للعتاب
اهي غلطة خلاص وبقت محسوبة عليا
ده مفيش إنسان في الحب مجربش العذاب

أنا عشت أضحي وفي النهاية كسبت إيه
غير جرح واجع قلبي عايشة بداوي فيه
وبلوم في نفسي لإني كنت مصدقة
ان مشاعره ليا ده حب حاسس قلبي بيه
ع الوضع ده وعلى الجراح متمردة
وقلبي لازم يبقى أقوى من كده
و أنا قبل ما أدخل تاني أي تجربة
عمري ما أحب حد وعيني تبقى مغمضة
like-empty

كلمات اليسا

جاري التحميل...