لو سألني – نوال الكويتية

وين اودي ويهي منه لو سالني عن غلاه
وين اودي ويهي منه دام قلبي ما يبيه
لو سألني عن شعوري عن أحاسيسي معاه

لو سألني عن فؤادي من يحب و من هو فيه
كيف ردي والله مدري يا بلاي ويا بلاه
أعترف له بالحقيقه والا اتحايل عليه

حسبي الله يالعواطف وهمتني في هواه
والمصيبه نبهتني بعد قيدي في ايديه
واقعي صعب و محير بين هم وبين آه

لو يطاوعني فؤادي بعت غيره واشتريه
كل ما روّضت قلبي كذب الحب ونفاه
قال هذا غصب عنه حب غيره مبتليه

من يبدلني بقلبٍ ابتدي فيه الحياه
أعشقه فيه واحبه و كل عمري يفتديه
مشكله والحل ضايع مبتداه و منتهاه

كل ما هديت بالي انتهيه و ابتديه
قال ودي بالسعاده للحِبيب اللي اباه
بس قلبي له حبيب فيه متمسك يبيه

0