like-empty

كلمات

klmat.com

sun

لو تبي

لو تبي تعرف شعوري ما ابي تسألني أبيك
توصل لهذي الاجابه دون مااحكي و ادّعي
اسمع بصدري شعوري والمس القلب بيديك
لاني اسمع صوت قلبي واضحٍ في مسمعي

ماني موجود بحياتك لانني مجبر عليك
انا جيتك باقتناعي واحتياجي لك معي
تارك الدنيا عشانك لانني لما اجيك
اترك افكاري واجي لك أحضر بليّا وعي

انا طمعان بوصالك مانيب طمعان فيك
لاني ارتاح بوجودك وارتياحي مطمعي
ما ابي لعمري مكمّل انا محتاج لشريك
مثل تاجٍ فوق راسي ماهو خاتم باصبعي
like-empty

كلمات عايض

جاري التحميل...