كشري ابو طارق – شعبان عبدالرحيم

احلى طبق كشري الكل بطعمه حس 

وهو كشري ابو طارق وابو طارق واحد بس

لو كلت عند ابو طارق بطنك دايما هتحن

معروف والشهره وصلت لغايت سي ان ان

ابو طارق دوت كوم ع النت خش وشوف

و لو نزلت مصر اسال عليه في معروف

ابو طارق ع الفيس بوك عامل يا ناس جروب

والعالم كله عارفه في كل مكان محبوب 

لو كلت عند ابو طارق هتعمل اشتراك

العرب والاجانب بيروحو ياكلو هناك

الكشري بالتقليه والشطه والليمون

والخدمه ميه ميه وتريح الزبون 

الكشري جنبو دقه والطعم متقوليش

ابو طارق احلى محل ابو طارق غيرو مفيش 

ابو طارق من غير شرح بجد ملوش مثيل

اربعة ادوار وصرح من فوق لتحت جميل

لو انت عند ابو طارق شربت ولا كلت

وممعكش فلوس في جيبك هتدفع ب الفيزا كارت

ابو طارق عنده خدمه مش عند اي حد

والكشري احلى كشري والحلو حلو بجد 

ابو طارق ذوق وعشري انا ياما قولتها

وعنده احلى كشري في الدنيا كلها 

تعالانا كل ليله تلاقينا بنستناك

وهات كمان العيله واتعشي وخد معاك 

وذوق وعشري واحلي كشري و صلي صلي

وكل وحلي وروح وسلم على المعلم

بس خلاص

0

2011