قمر 14 – معاذ الجماز

وشلون جيتي بأول الشهر وشلون
وانتي قمر 14 يا جميله
قمر وله مبسم وحجان وعيون
ومن السما ينزل لنا كل ليلة

وليا مشت بالهون بالهون بالهون
ماهي ثقيلة وزن لكن ثقيلة
ومن البياض اللي وراها يبينون
شفافة وفي وصفها مستحيلة

أكبر بنات أمها ومن بعدها يجون
ولا هي قصيرة طول ولا هي طويلة
ودك تقدمها على الناس بصحون
قطعة حلى تلبس عباية وشيلة

وكم ليلة جريت طاروق ولحون
وغنيتها في بحر الخليل وخليله
اللي غلاها فوق مانتم تظنون
مستوطنه بين الضلوع النحيلة

أحبها ماعي محبة تلفون
تكرم عن دروب الردى والرذيلة
بنت الحشيم اللي عن العيب مصيون
وفي ذكرها محدٍ بينفض شليلة

عن فعل أبوها كل هالخلق يحكون
من طيب ساس وطيب راس وقبيلة
اخذيني ياللي فيك شاعر ومجنون
انا قتيلك جعل منتي قتيلة

كلمات: فهد العدواني

ألحان: معاذ الجماز

2017