قطر الندى – حسين الجسمي

أتعبني الهجر لكن مانزل راسي وإنته بقلبي غلاك وعارفٍ قدرك
إنته بطيبتك خذت القلب عن ناسي لين انتهى القلب يا محبوب في امرك

قول أحبك يجيني ردك القاسي أدور رضاك وانته تعاند بهجرك
أهديك الإحساس تكسر خاطر إحساسي أقول صبرك ع قلبي مارضى صبرك
جلاسي الناس لكن وين جلداسي موجود معهم وجالس دون ماأدرك
أرحل عن الناس يملا القلب هوجاسي يامعذب القلب قلي اليوم شو عذرك

إن كنت ناسي تذكر يوم ياناسي ألفين سبعة يناير يوم في عمرك
ماكنت راضي ولكن قلت لاباسي ضحيت بأغلى حياتي بس ماضرك
لو كنت تبغي حبيبي تكتم أنفاسي أرضى بنارك واعيش العمر في جمرك
وإن كان همك حبيبك فيه لا تاسي يكفي المحبة ولو قطرة ندى ثغرك

أرجوك أرجوك تلفي في المسا الماسي نتعانق بحب صدري في حضن صدرك
تبنى قواعد محبتنا على الساسي وأعيش مفتون يامزيون في سحرك
أنا لقلبك حبيبي الجوهر الماسي وانته هدية حبيبي حقي بكبرك
ياطيب الساس ودي رافعٍ راسي وارفع حبيبي معايا راسك وقدرك

كلمات: احمد المسافري

ألحان: الفارس