قضاء وقدر – ألماس

حبك قضاء وقدر
ينحسب لوحادث
گلبي جرحته ودخل
بالحب طرف ثالث
اعفيني من هالعشگ
طلعني من راسك
للان مامستقر
وياي بحساسك

يمكن غيروك انته
وانباگ كلشي بالسكته
گلبك عافني بسرعه
خلصت يمي مصلحته

يمكن باقي تتأمل
ابقى اكبالك اتوسل
كافي طلعت روحي
وياك ماوصلت الحل
الشوگ ليش انصدم
وانحرج بحساسي
وانته اساسآ چنت
طول الوكت ناسي
مااريد اعيش بحلم
مامر على اعيوني
أي صوت اسمعه يجي
بي نخطف لوني

عايش في وهم حبك
وانته كلشي ميعجبك
ياريت هسه تتركني
وياي ماوفه گلبك

ياروح يعني ماتبتي
كافي شگد تحملتي
محتاج اني بس صدمه
افقد بيها ذاكرتي

1+

كلمات: اسعد المياحي

ألحان: ليث الحربي

2020