قالوا اشياء – بلقيس

من ورائي قالوا أشياء ليه ما انقالت أمامي
وش يهم القلب دام اللي حكوا به من وراءه
الدليل اني إلى من جيت فارض احترامي
من حكى لحظة غيابي صار ما عنده جراءه

شوفني شامخ كريم النفس مترفّع وسامي
ومن ترفّع وب سموّه كيف يسمع للدناءه
كل مقام وله مقال وذا مقالي في مقامي
النّجم مخلوق عالي مٓا يتنازل عن سماءه

ثابت ومبداي واحد والثريّا هي مرامي
ماني اللي لا تبدّل جوّهم بدّل رداءه
بعضهم يسعى ب مكر وراح يبني لانهدامي
حسبي الله والله أسرع مكر ويهدم له بناءه

أعرف الناس ومعاهم واضح اسلوبي ونظامي
والتجارب علّمتني لين ما حزت الكفاءه
من كثر بالوجه مدحه قلبه من الغل حامي
ومن يخون أكثر حديثه عن ضميره وبوفاءه

نفسه اللي في غيابي وجّه اصبع اتّهامي
نفسه اللي في حضوري هو بيحكم لي براءه

0

كلمات: مشاري ابراهيم

ألحان: متعب الفرج

2019