عطاشى – راشد الماجد

ياعطاشى الماي وينه
ومين يرويني
وحتى دمعاتي الحزينه
جفت بعيني
اللي أسقوني بيديهم
وينهم راحوا
ياترى أطري عليهم
والا ناسيني !!

الضما بعد الحبايب
يبس اعروقي
ماادري من قلبي اللي ذايب
والا من شوقي
أدعي كل ليله ياربي
جير لي عوقي
الضما هدني بعدهم
و حيل مشقيني

ليت اكحل عيني فيهم
ويرتوي شوفي
نار في قلبي عليهم
و حره في جوفي
مت من طول انتظاري
و آه ياخوفي
بكره لا ردوا يلاقوا
روحي مو فيني

كلمات: احمد علوي

ألحان: نزار عبدالله

2018