عرزالنا الأخضر – وديع الصافي

عرزالنا الاخضر بيفوح بالعنبر
بعدو بهالجوزة منصوب يا اسمر
اووف يا باي يابا

بعدا الطيور معشعشة بعبو
والزهر بعدو مدردر بقلبو
عم يسالو علينا وليش حبينا
اللي تعلموا من حبنا يحبو
عرزالنا الاخضر بيفوح بالعنبر
بعدو بهالجوزة منصوب يا اسمر
اووف يا باي يابا

ما عليش يا عرزال لا تحزن وتلوي
بعدها بالبال ايامك الحلوة
بكرا بنرجعلك وبارضك بنسهر

موال : بنخبرك شو صار فينا عالفراق
الكاس العكر عا غيبتك ما عاد راق
من كثر ما تمرجح هوانا بالهوى
في وفيها الكون يا عرزال ضاق

عرزالنا الاخضر بيفوح بالعنبر
بعدو بهالجوزة منصوب يا اسمر
اووف يا باي يابا

0

ألحان: غيرمعروف