سحابة حلمنا – الياس الستة

سحابة حلمنا مرت مع الوقت ومع الارياح
طواري الحب تاخذ من عيوني دايم ارقادي
اسبّح في ظلام الليل ويتعب منّي المسباح
انا الظالم وانا المظلوم وأكيد اني انا البادي

انا مدري من اللي باقي في عيني بعد ما طاح
وانا ماصرت افرّق بين احبابي وحسّادي
الا ليت القلوب العاشقه معها يجي مفتاح
لجل اني انا اقراها وأحدد مصدر اسعادي

انا ملّيت اعيش العمر ادوِّر به بعض افراح
تعبت اهيم في وادي وحظي كان في وادي
ترا مكسور فيني قلب و كنِّي طير دون جناح
قسم بالله بس ودّي اعيش العمر انا عادي

تعبت اليوم ابي اضحك واترك همّي ذا وارتاح
وانا مؤمن قدر ربِّي وابد ما يخذل منادي
انا ارجو من سعادة قلبي ينسى كل ماقد راح
ابي حافظ على بعض الشموخ اللي عن اجدادي

11+

كلمات: عبدالرحمن البوق

ألحان: احمد الخليدي

2020