رسالة من غريق – نور الزين

جرحك يا عراق الضلت اثاره على طول النهر دمعات محتارة
يا موصل حزنة وطاب جرح العام واليوم الجم والسبب عبارة
يا كلبي الثكالة الما طفت نارة يا نهر المنايا الماخذ اصغارة
ورد بالماي ذابل ضايع ومخنوك ورد للضحكة مو للموت وجه يلوك
وفوك الماي طايح بس عيونة الفوك الله يعين صبرة يا القلب محروك
همنا بكل وكت والموت خطارة جرحك يا عراق الضلت اثارة
جرحك يا وطن هم بعد يا ذينة وكلنة بصبر وجذب سنينة
رد الموت هل المرة بنهر عينة ولا جنها لليوم اولادنه بطينة
بعدها بكل قلب جيلات تذكارة جرحك يا عراق الضلت اثارة
يا ماي المدامع حزن يوم العيد كل ما ننسى همنة تجي بهم جديد
من هذا الشعب يا موت شنو تريد من توكع الضحكة والدموع اتزيد

كلمات: علي الطيب

ألحان: نور الزين

2019