دكتور – هيثم يوسف

دكتور لاتكشف علي مابيه شي صدكني
تعبان من يوم عرفت راح الحلو وفاركني

ماريد منك اي دوه دواك مايشفيني
دواي بس نرجع سوه اريد اشوفه بعيني

دكتور اشو حتى الهوا بغيابه احس يخنكني

دكتور اعرف حالتي غير الصبر ماعندي
سافر حبيبي ومارجع خلاني عايش وحدي

محبوبي من يوم الرحل ماشفت راحه بدونه
والقلب بفراكه ذبل ومشتاك اشوف عيونه

اتمنى محبوبي يجي فراكه جمر يحركني

دكتور ابد لاتظن تكدر تطيب جروحي
كل لحظه انا اشتاك واحن والبعد طلع روحي

لو ادري مايرجع بعد ما اعوفه يبعد عني
حبيبي منطيني وعد من حضنه مايحرمني
ما ادري راح لأي بلد واني الحزن موتني

دكتور لاتكشف علي مابيه شي صدكني
تعبان من يوم عرفت راح الحلو وفاركني

0

كلمات: علي الديواني

ألحان: هيثم يوسف