like-empty

كلمات

klmat.com

sun

حلم ابليس بالجنة

وشلون ابنساك ؟ وانت اللي على بالي
عشره مع الغير نار وعشرتك جنه

انا تمنيتك وجيتك على فالي
ومافيه غيرك عروق القلب حبنه

وماكل شخص ٍ دخل بالقلب لي غالي
في فرق واضح مابين الفرض والسنه

أحد ٍ لياشفت زوله ينشرح بالي
و أحد ٍ تضيق العيون اللي يشوفنه

و أحد ٍ إذا غاب عني , ضافت احوالي
و أحد ٍ اذا غاب , قلبي مادرى عنه

و أحد ٍ ليامن عطا يعطيك بالحالي
و أحد ٍ ليامن عطى يعطيك بالمنه !

و أحد ٍ يخفّي المرار ويبدي الحالي
و احد ٍ يسم البدن لو تستمع منه

من قبل اعرفك خفوقي بالهوى خالي
وانت الوحيد اللذي عيوني تحالنه

في لحضة الشوق , لا واعي و لا سالي
وانا معك بين يمكنه ولكنه

وعيني بعينك واشوف انواع واشكالي
من خاطر ٍ منشغل وعلوم يذنه

وسمعت وش ضايقك ياسمح الأقبالي
وبيّحت من خاطرك كل علم ٍ تكنه

إن كنت خايف من الهجران يالغالي؟
إسمع كلام اللذي ظنك على ظنه

وشلون ابنساك ياللي شاغل ٍ بالي ؟
تبيني أنساك ؟ حلم ابليس بالجنه
like-empty

كلمات الشيلات

جاري التحميل...