حكاية – كلاش

بفن الراب نبدأ نبدا نكتب مبدا
المبدا لانه ملجا هوايه لها نلجا
حريه في التعبير المرجله قانون
ارض خصبه للتعمير اول حجر ميكرفون

الاسمنت بالكتابه الفلو اكثر صلابه
يجيك اللاين مسلح ثقيل كانه دبابه
التنافس كان قديم من مثقف اكثر
اتعمق فالهيب هوب كيف بلود في يربر

رحت اخذت لي عده
اخترت لنفسي فويس
خذت من وقتي مده
حلمت بروز رويس

لكن الواقع هده ماخلى ليا تشويس
واقعي كان مكده مسوي لحلمي نويس
هيموجلوبين يمشي فالشرايين
يبقى الفن حقيقي لو مرت السنين

هي معادلة كل ما المبدأ تطبق
صار رابك الاصلي والجمهور لك صفق روح
مابين ماضي وحاضر
مابين ماضي وحاضر

نرويها بسطور منقوشه بسيف فاخر
مابين ماضي وحاضر
مابين ماضي حاضر
نحكيها بسرور ونكشف ملف ساتر

مابين ماضي وحاضر
مابين ماضي حاضر
طاقة من جمهور نيران من رابر
مابين ماضي وحاضر
مابين ماضي حاضر
حطمنا كل سور وقف لنا عاثر

في الفين واربعه كانت هي البداية
للحكاية بدت الرواية كانوا وقتها
اثنين معايا راب عربي غنيناه

الحين في كل بيت صاروا يسمعوه
بداية اخذناه خام استكنان عالمود
كنا نحسب انه سب بس والقوي يسود
المايك كنت اعامله كانه ساطور في يدي

شرحت خصومي تشريح مو كره
حباً فالتحدي صارت العيون علينا من الحكومة والناس
هيترز معجبين مخبرين وعساس
الراب اللي كانوا يعايرونا بيه شافوه انجاز

ياما غيرت بيه نفوس لامست الاحساس
ماكان في بالي اني بكون سبب انتشار الراب
في الخليج صاروا ينادوني كلاش العراب
الاب الروحي لهذا الفن
من القدامى اللي فضلهم عالجميع بلا غرور او منّ

كانت لحضة ارتجال على نغمة جوال
ماكنت متوقع بيكون لي صيت بالمجال
راب الامارات تخرج منه اجيال
وهذي الحقيقه ماهي من نسج الخيال

سنين وايام تمر اقدم رابر مستمر
من القلة اللي مازال اسمهم ينذكر
مختم الحروف وغيري توه بالسين
خارج عن المألوف ولي قلم متين

عميد في الراب كرت ابنفسي معتد
تكتيك ايطالي بحت هجومي مرتد
لما حمي الوطيس لعبتها تيكي تاكا
معركة تدريس قلبتها ريمونتادا

النص بالنص يبقى كله احتمال
كم من صداقه عرفنا فيها انذال
وكم من عداوه كسبنا فيها رجال
وهذي افضل حسنه ممكن تلقاها بالمجال