حضرة جنابك – فلاح المسردي

عود علي فقدت حضرت جنابك
لك يوم غايب وأسرف بقلبي الشوق
شفت الرياض بكبرها في غيابك
تقول مافيها من الناس مخلوق

حتى الشوارع وقفت عند بابك
ويسوقني شوقي على بيتكم سوق
وش جابني لاتقول لي ويش جابك
في غيبتك لانام لا ارتاح لا اروق

ياللي ذوات الزين كله تهابك
يافارقٍ بالحسن والتيه والذوق
يازاهيٍ باللبس لبسك زهابك
ياعنق ريم يحرك خطاه برفوق

ياليت من هو شاهدك والتوا بك
وشهد عليك القلب معلوق معلوق
وعلمك بأني ماتحمل غيابك
وأني عليك أغار من كل مخلوق