like-empty

كلمات

klmat.com

sun

تقسى وتنسى

قم حرر الدمعه من اجحاف الاجفان
لعلها وان طاحت يزيل همك
وان طاحت الدمعه على ورد ذبلان
من حرها شفته يقوم ويذمك
ويقول هونها مدام انك انسان
تقسى وتنسى كل ضيقك وغمك

واقول له ياورد والحب عنوان
الموت لا اقفى صاحب كان يمك
ياكيف لك بتعيش صبرٍوسلوان
وما يمسح دموعك سوى اطراف كمك
ذقت الكدر ياورد في كل الاحيان
جرعتني كاس المفارق وسمّك

ومدام ما ينفع مواويل واحزان
واللي تهمه صار ماهو يهمك
لا تشتكي لفلان وتفرّح فلان
ولا يدري بضيقتك خالك وعمك
واحذر تعيش العمر عاشق وولهان
اخاف ما تلقى فصيله لدمّك

زان طرق المحبه
للمواليف صبه
وصوتك العذب طبه
يا حميد السجايا

بشتكي لك من اللي
قدله سنين خلي
صد واليوم من لي
غير رب البرايا

في صدودة تجنا
وفي الغياب اشتحنا
وفي حضورة فتنا
عن جميع الصبايا

بوصلة شوق قلبي
عارفة وين دربي
تتجة صوب حبي
من جميع الزوايا

يا غرامي وشفي
ليه عني مقفي
نبض صوتك يدفي
غير باقي المزايا

لك وصوف لحالك
وانا قلبي حلالك
فارق في جمالك
تفرح بك المرايا

خذت تاج الولايف
دون جهد وكلايف
والعذارى الوصايف
في حضورك رعايا

منك يا شيب عيني
والله انك ظنيني
يا حلاوة سنيني
شف جروحي هدايا

في جروحي تطبب
دام قلبك تسبب
ولك ضلوعي تشبب
والمحاني شظايا

والختم يا غناتي
معك معنى حياتي
كيف بالله احاتي
وانت وسط الحنايا
like-empty

كلمات حمد الراشد

جاري التحميل...