تطمن – فلاح المسردي

تطمن لا تظن اني مع الايام راح انساك
لأنك في حياتي كل معنى يسكنه آمالي
خفوقي سخّره ربي على شانك لكسب رضاك
وداريته بمدراتك وصرت الغالي الغالي

وانا ياللي على شانك غدت روحي تقول اهواك
واحبك يانظر عيني واحبك ياهوى بالي
واحبك حب لو كفّى جميع الخلق ماكفّاك
لأنك يالغلا دايم تزيد بذوقك الحالي

جميع الناس بالدنيا وانا وانته بعيد هناك
مع الاشواق والفرحة نطير بجونا العالي
وانا ماهمني بالخلق لا هذا ولا هذاك
مدام عيوني تشوفك ولي من غبت تطرى لي

تلاطفني وتحييني يلي مني جلست حذاك
والا مني بعدت اموت لين القاك يحلى لي
ودربي لي على خبرك مشيته يالغضي ويّاك
تطمن بعدني ماشي عليه ولا تصدى لي

كلمات: علي بن سالم الهاملي

ألحان: فلاح المسردي

2020