انت وضميرك – مزعل فرحان
ابتركك للوقت وأنت وضميرك
اما تغيب العمر ولا تجيني
بالحيل ضامي ما رواني غديرك
بالحيل عنك بعيد لا تحتريني
أنا ضرير الوقت وأنا ضريرك
بعيد لكن كنك قدام عيني
يمكن مع الأيام بحب غيرك
ما دام قلبك صادق ما يبيني
يمكني أدله وانكر أني عشيرك
وبعد ارتحال العمر يمكن تجيني
ما بقي لي للحب ما أبي كثيرك
أرجوك عطني بس لو بعض ديني
شرك محى في صفحة العمر خيرك
وحبك تركني هايم في سنيني
وأنا ادري أن كل الحكي ما يثيرك
لكن لزوم أقول وش صار فيني
لابد ياتي يوم تعرف مصيرك
وتقول بعد غياب عامين ويني
خل الهوى خله لغيري وغيرك
ذا ما جنت أيديك ما هي يديني
أبتركك للوقت لازم يديرك
وان جيت ابصافحك فاقطع يديني
تكلمي قولي وش اللي تبينه – مزعل فر