اجيلك شوق – ذكرى

أجي لك شوق .. وتجيني ذوق
أجي كلّي وتجي بعضك
وبعضك يا حبيبي انباق مني بوق
هنا وهناك وانا وياك
معي والا معاك ياللي
حنانك يالحنون ورقتك ما أقساك

بلاها أرجوك هالجيّه
ترى فيها تعذبني
تجي قصدك تطفي النار
وانت فيها تحرقني
تجامل والفرق شتان
ما بين اللي عشقني في يوم
وبين اللي مقابلني!

وطيب ليـ متى وبعدين
كفاك هروب وواجهني

حزن واحد ولا حزنين
بالمكتوب صارحني
وإن كان الحكم إعدام
أنا في رحمتك طمعان
في هذي اللحظه إعدمني

وروح إنت وأنا باروح
مير الله يقدرني
ويجبر قلبي المذبوح
وعلى بلواه يصبرني
ولا من صحت بك “ولهان!”
وزلزل صوتي الجدران
طلبتك .. لا تطاوعني