يادار لاهنت ِ ولاهان راعيك … ولاهان شعب ٍ كرموا راية الدين
حب وكرامة دارنا اليوم نحميك … نروي ترابك من دمانا مباهين

حنا لآل سعود دروع ٍ لاراضيك … وحنا الا صاح المنادي ملبين
حنا لآبو فيصل دروع ٍ لاراضيك … وحنا الا صاح المنادي ملبين

يادار لا تخش ِ غشيم ٍ غلط فيك … حنا لك سنود وجنود وملايين
عليك باسم الله يحرسك ويكفيك … شرّ الحسود اللي عمامه شياطين

شوفي عيالك بالمحارَب توريك … بصدورهم تلمع لحبك نياشين
هم عارفين الموت لأجلك تباريك … وهم مرخصين الروح للموت شارين

يا أمّـنا دونك رجال ٍ تفاديك … من نسل الأبطال القروم الشياهين
قدّ المواجه عبّروها بتحديك … ضد الغزاة اللي من الله ملاعين