كلمات أغنية لحظة عذاب – راشد الفارس

لحظة عذاب ولا سنين بنكاده
دام القرار بيدنا ما تعدى
وين الهناء يا معشمي بالسعادة
وأحوالنا قامت علينا تردى

سميني البايع تراها شهادة
وافخر بصبري كان ذا طول حده
ناديني اللي يعجبك بالمنادى
عايف هواك وما بنيته بهده

شفنا غدينا بالجروح نتهادى
من بعضنا صار القسى نستمده
ما اقبل علينا بالكلام نتمادى
باب يجيب الريح سده واسده

ضحيت بأيامي معاك بزيادة
العمر مره وان مضى وش يرده
ماعاد لي رغبة ولا لي إرادة
الحب صعب وللأسف منت قده

كلمات: العاليه

ألحان: ياسر بو علي