قصيدة ما هو بودي – سعد علوش

ما هو بودي

يارب اجرني من الدنيا وبلاويها
ومن شوفتي للعما .. اللي يقدي مقدي
ومن شهوة المغريات وما يواليها
ومن اني افقد شعوري وأوصل لحدي
ياقطع كبدي عليها من عراويها
اللي كفرت في غلاي وبيحت سدي
احبها احيان واحياناً ما أدانيها
واموت فيها دبل لاوقفو ضدي
العالم اللي مسارحها مضاويها
اللي ماهم بكفولي وماهم بقدي
الموت لاصار حاميها حراميها
ماعاد تدري من يجيب ومن يودي
محبوبتي يا أول ادروبي وتاليها
ويش آآخر من الكلام ويش بابدي
انا رجل لابدا الاشياء ينهيها
ولا أدو عشاشيق كذب الليل مايدي
لو كل حاجه على بالي بسويها
ماكان شرفت اسم خالي واسم جدي
تعلمي مني وروحي وقوليها
ولاجاك مني الكلام الصادق استدي
كم حاجة ماجت فـ يدي وانا أبيها
وكم حاجة مالي ابها وجات في يدي
صحيح لو تخرب الدنيا بمن فيها
ماتذرف دموع عيني من على خدي
ماتذرف دموع عيني من محانيها
الا اني اجبر على شي ماهو بودي