كلمات شيلة عشرة على عشرة – شيلات

الحب ناره تلظى بي .. والبعد وطّاني الجمره
مهموم ومفارق احبابي .. والشوق عشره على عشره

الحب ناره تلظّى بي .. والبعد وطّاني الجمرة
مهموم ومفارق أحبابي .. والشوق عشرة على عشرة
يعني تراني على اعصابي .. وان زدتها هلت العبره
يكفيني صدود وغيابي .. تعال سلهم لي بنظره

عينك ورا سود الاهدابي .. تقول من حب مايكره
ياذوقي وذروة اعجابي .. القلب سلمت لك امره
شف حسنك اشلون سوا بي .. خليتني فالهوى عبره
الروح تهدي لك عتابي .. ومشاعري كلها تشره

وصايفك لاهل الالبابي .. في معجم الوصف محتكره
والجسم فتنه وجذابي .. كفين تجمع على خصره
وليل على المتن سكابي .. سوده على الوجه منتشره
نور النحر منه ماغابي .. والخد مايختفي بدر

ومابين حمرا وعنابي .. شفاه مادقت الحمره
فيها الدلع فطرة اعرابي .. والهرج عذب على الفطره
جرحي من الهجر ماطابي.. والصد ماينقبل عذره
انعيش خلان واغرابي .. هذي ترا ماهي بعشره

احسب لميعادك حسابي .. ياصاحبي شف لنا دبره
الحب ناره تلظى بي .. والبعد وطاني الجمره

أداء: راكان القحطاني

كلمات: سلطان أبو ديه