كلمات شيلة حي من يقدم ولا يحسب حساب الظروف – شيلات

حي من يقدم ولا يحسب حساب الظروف .. في سبيل الطايلة يطوي البيداء طوي
كل عام يجدد الفوز ويقود الصفوف .. ويحدر بإلي مابيها بداوة بدوي
نخبة وصوفها غير عهد من الوصوف .. والقصيد النخبوي فالمقام النخبوي
ما حد له في سنعها جميل ومعروف .. دون ابن مرسان والخصم مزوي زوي
سوقها قدام قدام والجهد مخلوف .. دام راسك حي واسمك له انجاز ودوي
واقبل ابها مثل ما تقبل جموع الضيوف .. عند شيخ مس بيته على راس محوي
روسنا ما هيب تتجر على قرع الدفوف .. غير عند الي عليه السراحين تعوي
الشبوك الي عليها عباد الله تطوف .. مالها الا واحد للنواميس خوي
مثل ناصر جعل ربي يعديه الصدوف .. العديم الي رصيده من المجد رهوي
حول بهرش بناته على حسب الشفوف .. كل بكر من غلاها يباريها خوي
(والقعودة)* ماعليها من الذيدان خوف .. بينها وبين المزرفل ما تخطي وتغوي
السبال يلاعب الريح والخشم معكوف .. ورقبتها غير اياد الجريد المرتوي
لا مشت قامت تغطرف تغطراف الهنوف .. فاتن على نباها يشبون الضوي
العيون الي تشوف انشدوها وش تشوف .. اول الخطوة كوي واخر الخطوة كوي
سجلوا جميع الاشواط في بيض الكشوف .. اسم ابن مرسان الاول على الشوط القوي
ان تقدمنا ما يطري على البال النكوف .. لين يسمح من هواها المشقى ويهوي
لابة فازت بالأمجاد والوقت معصوف .. والزمان من الصواديف درب ملتوي
من بني هاجر هل المدح وجزال الكفوف .. ترتقي فيهم لحون القصيد وتستوي
والولاء معطينه ابو اليتامى والضعوف .. الامام الي على راية الدين حموي
ما نساوم في بلدنا وحنا له وقوف .. مثل وقفتنا مع معزي وبن جلوي

كلمات: هادي بن عوير الهاجري