كلمات أغنية فاكر – اليسا

فاكر يا حبيبى فى يوم ما سيبتنى
أمشى ودموعى فى عينى
يومها أنا بالذات
جيتلك عشان أنت اللى بتقوينى
وبدال ما أهدى وأرتاح وانا جوه حضنك
أو تطمن عيني كدا وتدفيني
القاك انت بتبكيني

تسأل عليا ليه هو احنا لسه احنا
مستني مني ايه ملامحنا مش ملامحنا
دلوقتي بينا ايه غير ذكرى بتجرحنا
ماهى دنيا بتفرحنا لحظة والباقى بتدبحنا

عايز طب نرجع ليه؟
هو أنا مش نفسي نرجع تاني
بس الحياة طب مين
سابها ورجع يعيشها حتى ثواني
لو يوم جربت تكون
وده صعب جدا لو تكون فى مكاني
وتعيش حرماني وتدوق طعم مالهوش تاني

تسأل عليا ليه هو احنا لسه احنا
مستني مني ايه ملامحنا مش ملامحنا
دلوقتي بينا ايه غير ذكرى بتجرحنا
ماهى دنيا بتفرحنا لحظة والباقى بتدبحنا

كلمات: أحمد مرزوق

ألحان: محمد رحيم