كلمات شيلة يا صاحبي

ياصاحبي دعني ترى كلي جراح
لوك بقربي كان تسمع ونيني
الجرح الأول باقيٍ مابعد راح
وقفت حياتي بين قِشر السنيني
انا من الايام ماني بمرتاح
أضحك دقائق والحزن محتويني
والحزن جوٍ مغبرٍ كله رياح
لاشفت عجه قلت ربك يعيني
عزي لـ سالم من عنا وقتن طاح
وكليب خلته الليالي حزيني
صدري من الأحزان ياصاحبي فاح
كأني سجين الدم ماهو بيديني
ووجيهنا من سكت الدهر كل لاح
من طول ماحنا كذا ممحليني
أيامنا أحزان ياوين الأفراح
هذا الكلام الصدق ياسامعيني
أبكي على وقت لنا راح وأنزاح
لامن ذكرته هلت دموع عيني
من حرها في الصدر قلت اح ثم اه
الله يفرجها على الصابريني
لامخلبٍ يحفر ولاعندي جناح
أحوم في اللجة ولو ساعتيني
حتى المطر من ذنبنا وين ماطاح
الله يريحنا من الحاسديني
كم حاسد مافك الأجواد ترتاح
اشوي ويحط أصبعه وسط عيني
ووجيه فرقاها مثل جني الأرباح
كنه الزمان اللي يركبك ديني

كلمات: راشد المري