كلمات أغنية شفت بعيني – أم كلثوم

شفت بعيني محدّش قال لي

التقل ليه يا مالك قلبي قصدي تمللي تكون جنبي
ما تقول لي بس إيه ذنبي
شفت بعيني محدش قال لي

التقل ليه ده حرام عليك أديني اهو ما بين أيديك
يكفى دلال وحياة عينيك
شفت بعيني ما حدش قال لي

شفت الحليوة في البستان قوامه يشبه غصن البان
ولمحت على صدره الرمان
شفت بعيني ما حدش قال لي

إمتى أشوف حبي الفتان يضحك ويلعب زي زمان
وأقول يا ناس اهو جه وبان
شفت بعيني ما حدش قال لي

كلمات: احمد رامي

ألحان: احمد صبري النجريدي