روح الغلا – الشيلات

وش فيك قفي يا روح الغلا ما استحيت
من دون سبه كذا تكفي يا روح الغلا
ان كان مما جرى لي باقي ما دريت
من موتة احساسك البارد يا دفع البلا

وانا لعينك وخمسة شفتك مستميت
ياللي بعدك الحلا ما ينتسمى حلا
دورت مثلك مع كل الملا مالقيت
والله لا هذا ولا هذاك مثلك ولا

النادر اللي خذا في الناس سمعة وصيت
في النادر من الجمال الباهت المنزلا
يعني دقيقه انا مثلك ترى ما رأيت
طلت محياك خطافة ياريم الفلا

اعمى عن الوصل في حضن الغياب ارتميت
وانا اتحراك في مدة كفوف الولا
لك ذكريات بخيالي خالدة غير ليت
ما تستمع في غيابي هرجة العذلا

أدري وصالي معلق غير لا من نويت
للوصل ثقلة صدر وارحب هلا مسهلا
هذا خفوقي لعينك يا اجمل الغيد بيت
دام ان ظلام الفراق من الوصال انجلى

ياللي خذيت الغلا مني وانا اللي خذيت
طولة غيابك بلا سبه يا روح الغلا