like-empty

كلمات

klmat.com

sun

حزن الشوارع

حبيبي لو نضب عطفك دخيلك من يداريني
وانا اللي ملتحف حزن الشوارع في ثرا اهدابك

انا ودي تبعثرني وتذبحني وتحيني
ولجلك لو لزم أمري بموتك وارجع احيا بك

واحاول احرج الصمت الكذوب اللي يخليني
أعاني واترك الدنيا لجل عينك على بابك

تمايل كنك القمره على الما ثم تناديني
وحسنك يجلي احزان النوافذ لا تباهى بك

وجيتك والسما تالي مطرها بلل ايديني
طلبتك تتركي قلب هواك وشاقه عتابك

سألتك لمتى ذاك الغروب يموت في عيني
وانا ابكي وحشة طيور رماها الحظ باسرابك

سألتك ليه نظراتك تلاشت من دواويني
وليه حروفنا غيب عشمها قاسي غيابك

خلص كل الكلام اللي تعب ما بينك وبيني
ولا قرب ولا بعد ولا رضى ولا جابك

حبيبي يا قليل العطف تكفى لا تخليني
وداعتك السنين المقبلة والشوق واحبابك
like-empty

كلمات أصالة

جاري التحميل...