like-empty

كلمات

klmat.com

sun
من بداية أحبك لين ميت عليك
شفني قدامك عينك واصل لمرحله
ودني آخذني مني وأهدي نفسي إليك
غالي يرخص لغالي والعشم تقبله

بسألك جعلي فدوه عفت عينك هذيك
عينك اللي من الله دعج ومحكله
وش اسوي في قلبٍ ما يبيني يبيك
واللي جننه حبك وشهو بيعقله

الله يسعد جمالك لكن الله يهديك
صرت من عقب زينك كل زين زاهله
مالي عيني واشوفك يا بعد مشتريك
دانة ما تساوم بالمحيط اكمله

من عرفتك وقلبي بين ضلعي ويديك
وكثر ما كنت أعرفه صرت فيك اجهله
هو في صدري وباله ماهو عندي عليك
اه ما اكبر جنونه واه يا ما اجمله

شوف لك حل فيني موت أحبك وأبيك
حب حتى خيالك صعب يتخيله
ومن كثر ما انت غالي ما ادري شسوي فيك
البعض من غلاته خاطرك تاكله
like-empty

كلمات عبدالمجيد عبدالله

جاري التحميل...