كلمات أغنية انتي فاكراني والا ناسياني – أم كلثوم

انتي فاكراني والا ناسياني
ياللي ظالماني .. ياللي هاجراني
انتي فاكراني ولا ناسياني

الحنين فاض بي والبعاد طول
والهوى في قلبي زاد عن الأول
اوعي تفتكري قلبي يتحول
ياللي ظالماني .. ياللي هاجراني
انتي فاكراني والا ناسياني

إمتى يتمتع .. بالوصال قلبي
والزمان يسمح .. بالهنا في حبي
ده الفراق آسي والشجن زاد بي
ياللي ظالماني .. ياللي هاجراني
انتي فاكراني والا ناسياني

طال عليا الليل .. اشتكي وجدي
زاد عليا الويل في السهر وحدي
وانتي ليه ترضي بالهوى في بعدي
ياللي ظالماني .. ياللي هاجراني
انتي فاكراني والا ناسياني

ارحمي قلبي .. واسألي عني
الغرام زال واشتكى .. واشتكى مني
إمتى تصفي لي وابقى متهني
ياللي ظالماني .. ياللي هاجراني
انتي فاكراني والا ناسياني

كلمات: احمد رامي

ألحان: محمد القصبجي