كلمات أغنية مل العتب – راشد الماجد

مل العتب ما حرك احساسك عتاب .. والنفس طابت عن طواري عتبها
يكفي تبرر مالها ذنب الاسباب .. اقسى من الكذبة غلا اللي كذبها
تجرح ولا تحسب لزلاتك حساب .. روحٍ تحبك ماتحس بتعبها
تظن لا هزيتها يوم بغياب .. في كل مرة بيتساقط رطبها
ماكنت احب اللوم ما بين الاحباب .. رغم التفاصيل اللي جرحك كتبها
لعل شمع الشوق من لهفتك ذاب .. لكن ليالي حلم ضعت بسببها
ظنيتك اقرب واصدق الظن بك خاب .. جمرة غلاك بوسط قلبي لهبها
ومكانك اللي كان ما بين الاهداب .. حر المدامع شالتك من هدبها

كلمات: محمد بن عبدالعزيز بن محمد
ألحان: بكر عبده