كلمات أغنية دام ما همك – راشد الفارس

دام ما همك لحظه غيابي
ليه انا بهتم وارجي وجودك
او انا ما اقدر ارضى بعذابي
وليه انا اتعذب وانت بجمودك
فمان الله .. دربك تدلّه
وخذ معك طيفك وباقي وعودك

عطيتك القلب والشوق شوقين
واليوم انا بنزعك من اقصى ضلوعي
يعني وان صار بشتاق يومين
وان بكت عيني بتنشف دموعي
وانت ياللي .. كنت خلي
ابسألك بالله تنسى رجوعي

كنت خايف لا اضيع عقبك
واثر انا اللي كنت ضايع في قربك
وانا احمد الله شرّك كفاني
واحلوت الدنيا بعيني في بُعدك
ابيك تذكر .. كم كنت اصبر
والله ما تلقى من مثلي يحبك

كلمات: معتزه
ألحان: اسر بو علي